Пет причини зошто да одберете Boss парчиња оваа пролет

Познатиот германски дизајнер и ветеран во модната индустрија Инго Вилтс, а сега и на чело на брендот Hugo Boss во едно интервју за Vogue ќе каже дека неговиот стил е многу едноставен, навидум здодевен, но и дека бојата ја остава за парчињата што ги дизајнира.

„Токму поради тоа, дури и гарнитурата во сите мои апартмани е во иста боја. Јас единствено сакам да носам сиви парчиња, за да ми одговара со нијансата на мојата коса“, ќе каже на шега Вилтс.

Сета боја за која тој говори, но и многу неутрални нијанси се пресликани токму во колекцијата пролет/лето на брендот, за сите оние момци кои сакаат впечатливи класици и едноставно се воодушевуваат од добриот крој.

Откако пред неколку дена ви ја претставивме колекцијата и фантастичните парчиња од истата, денеска се потсетуваме зошто Boss е еден од најдобрите брендови на сите времиња и зошто нивните парчиња се нешто во што секогаш вреди да инвестирате.

1.Промоција од -10% за еден, -15% за два и повеќе

-Од денеска, ја стартуваме новата промоција поврзана со брендот, а истата се однесува на намалувањето од -10% за еден и -15% за два или повеќе купени производи. Ова е совршена прилика да ги освежите вашите комбинации со парчињата на брендот кои знаеме дека ги обожавате, а сега е одличен момент да си ги набавите по исклучително добри цени.

2.Нивните парчиња секогаш се одлика на оптимизам

-Навидум едноставни, но секогаш полни приказна, парчињата на Boss отсекогаш важеле за отсечни, со извонреден крој, во едноставни бои, но со можност секогаш да изненадат кога е палетата на бои во прашање. Оваа сезона, брендот нуди поло маички во многу бои, патики со умерени детали, дуксери и маици со интересна графика, но повторно, сето тоа е одлика на нивната препознатлива елеганција.

3.Време е за експериментирање

-Иако посветени на германската отсечност, сепак, оваа сезона дизајнерите на брендот ги предизвикуваат нивните клиенти да експериментираат со стилот и без да се двоумат да облечат дуксер, бермуди и стилско палто одозгора за тотално посебен, но сепак, урбан и елегантен изглед.

4.Впечатливи, но сепак суптилни принтови

-Оваа сезона, дизајнерите на брендот соработуваат со многу артисти и нивната уметност ја пренесуваат на парчињата изработени од ултра квалитетен материјал, но сепак, во ниту еден момент принтовите не се нападни, туку едноставно, уникатни и посакувани. И овојпат брендот ја задржува елегантната естетика, но прикажана преку нови и возбудливи парчиња кои секогаш потсетуваат на Boss.

5.Квалитетот пред сè

-Во ниту еден момент, без разлика на свежината на колекцијата, овојпат прикажана преку графичките принтови, новите кроеви и материјали, квалитетот на брендот во ниту еден момент не е ставен во прашање. Материјалите на сите парчиња повторно се исклучителни, обожавани од секој еден клиент и соодветни за уживање во текот на целиот ден без разлика на пригодата.