.png.webp "Online shop Fashion Group")
.jpg)
.jpg)
Автоматизиран молекуларен RT-PCR апарат и тестови за детекција на корона вирусот, со кои за 30 минути ќе се добие резултат, е донацијата на Fashion Group како општествено одговорна компанија, за Институтот за јавно здравје.
.jpg)
„Голема благодарност до Fashion Group за оваа донација која ни беше потребна. Апаратот е со 4 независни модули, што значи дека наеднаш можат да се изработуваат 4 тестови, така што капацитетот за 24 часа е околу 168 тестови. Тестот е одобрен од FDA, а системот е патентиран. Тестот е со исклучително висока сензитивност и е наменет за брза детекција на коронавирусот. Времето за изработка е 30 минути за позитивен примерок, додека 45 минути за негативен. Предноста на овој тест е што постапката е целосно автоматизирана, манипулацијата со примерокот е сведена на минимум, со тоа е намален и ризикот од контаминација и вкрстена контаминација на примероците“ вели доцент д-р Шабан Мемети, директор на Институтот за јавно здравје.
.jpg)
Донацијата на Fashion Group е од особено значење за Институтот за јавно здравје за да може уште побрзо и навремено да ја извршува дијагностиката во време на пандемија, наменета во служба на граѓаните.
„Горди сме што како Групација придонесовме и обезбедивме апарат и тестови со брз резултат на Институтот за јавно здравје, кои ќе служат во борба со корона вирусот. Навистина е важна поддршката на институциите кои неуморно се во првата борбена линија со пандемијата. Групацијата Fashion Group како општествено одговорна компанија во изминатите 26 години постојано се грижи за своите граѓани и целокупната заедница“, истакна оперативниот директор на Fashion Group, Тони Јанковски.
(3).jpg)
Од компанијата додаваат дека тие постојано се грижат за општото здравје на нивните вработени и потрошувачи со спроведување на највисоки мерки на заштита согласно препораките на СЗО. Компaнијата Fashion Group продолжува со раст во својот домен, грижа кон општеството и со овој придонес сака дополнително да помогне во побрзо детектирање на вирусот, а со тоа и побрза лекарска интервенција, за заштита на сите граѓани во општеството.
.jpg)
