Fashion Group и овие празници сподели среќа со другарите од Центарот за Даунов синдром

Во празничната сезона, повторно се сретнуваме со сите наши пријатели, а секогаш уживавме и во дружбата со нашите другари од Дневниот центар за Даунов синдром кои беа и повеќе од расположени, особено за роденденот на нивниот другар Никола.

Искрени, како и секогаш, не’ пречекаа весели и со широки насмевки, a дополнителна среќа им причинија и подароците од Fashion Group за уште повесели празници.

Како и на сите наши пријатели, така и на најмилите, им посакавме многу радост и среќни мигови во новата 2024 – та година, а заедно му го честитавме роденденот и на Никола и му посакавме многу радосни и среќни мигови во следната година.

За дружењето да биде уште поубаво, тука беше и Центарот Трисомија 21 од Скопје и Дневниот центар Доза Среќа со кои заедно уживавме во новогодишната и роденденска прослава.  

Во име на нашето пријателство, компанијата Fashion Group им ги разубави празниците со одредена донација, а за паметење беше и денот поминат во нивниот центар каде заедно се радувавме на убавите денови што се пред нас.

Тие нѝ ги раскажаа нивните желби за новата година, а како и секогаш, беа ултра расположени за добра музика и дружба.

За миг, сите заедно заборавивме на нашето секојдневие и си раскажавме на што заеднички треба да работиме за секој еден ден од 2024 да биде уште поубав и поуспешен од претходните.